![](/web/cache/scene/uploads/fotos/foto/8ae/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/651688058c-20230928_amesa_01.jpeg)
© A Mesa Pola Normalización Lingüística
Protesta da Mesa Pola Normalización Lingüística polo "foro de insulto á toponimia" na Toxa
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A Mesa Pola Normalización Lingüística celebrou este xoves no Grove unha concentración de repulsa polo que entenden por "deturpación do topónimo da Illa da Toxa" na celebración dun Foro que, aseguran, fai desta agresión á lingua galega o seu sinal de identidade.
Segundo o presidente da entidade, Marcos Maceira, "a mobilización, as miles de sinaturas recollidas a favor da toponimia e a denuncia da falta de cumprimento da legalidade toponímica conseguiron que cada ano menos autoridades públicas queiran participar neste foro de insulto á toponimia como pegada da lingua e cultura galega sobre o seu territorio".
A pesar diso, denuncian, que "o presidente da Xunta manteña a súa participación nun acto cuxa carta de presentación é o ataque á toponimia galega e á lexislación que a oficializa".
A concentración de protesta levou a cabo á beira da ponte que dá acceso á Illa da Toxa.