Un camión choca contra a ponte de Eduardo Pondal
Por Oskar Viéitez
Sobre as seis da mañá deste xoves un camión chocou contra o taboleiro da ponte de Eduardo Pondal.
O vehículo superaba a altura da ponte e o condutor non se decatou do limitador de gálibo chocando contra o viaduto.
Como consecuencia estivo cortado o tráfico sobre unha hora e media.
O golpe produciu danos na ponte, ademais do propio camión. O condutor resultou ileso.
Ao lugar do accidente acudiron os Bombeiros de Pontevedra para asegurar a zona e inspeccionar a estrutura da ponte. Presentouse denuncia polos danos ocasionados.
Os accidentes neste paso por baixo da ponte resultan habituais, o último incidente ocorreu o pasado mes de xuño nunhas circunstancias parecidas.