Envían a prisión a 9 detidos por traficar con drogas
Por Oskar Viéitez
O xuíz titular do Xulgado de Instrución número 2 de Ferrol decretou o ingreso en prisión provisional comunicada e sen fianza das nove persoas detidas o pasado mércores por tráfico de drogas na operación Externe Elite que se desenvolveu de forma simultánea nos municipios de Ferrol, Narón, Neda, Fene, Pontedeume, Vigo, Poio e Cambados.
Nas detencións participaron axentes da Brigada Central de Estupefacientes integrada na Unidadr Central de Drogas e Crime Organizado (UDYCO), do Servizo de Vixilancia Aduaneira e do Grupo de Resposta Especial para o Crime Organizado (GRECO) de Galicia.
Ademais das detencións, os axentes incautaron catro quilos de cocaína, 100 gramos de heroína, 2,5 quilos de haxix, ademais de algo máis de 62.000 euros en metálico e utensilios para manipular a droga, como elementos de corte e básculas de precisión.
Tamén se confiscaron varios coches preparados con caleta para o transporte dos estupefacientes.