É seu o boleto do Euromillones premiado cun millón de euros en Pontevedra?
Por Oskar Viéitez
O sorteo de Euromillones celebrado o venres premiou cun millón de euros a un boleto selado en Pontevedra.
A combinación gañadora de El Millón está formada polos números 3, 23, 24, 34 y 35. As estrelas foron 8 e 5. Con código TCZ97671.
Trátase do acertante do código El Millón, cuxo boleto foi validado na Administración de Loterías nº 2 de Pontevedra, situada na rúa Joaquín Costa e que rexenta Olga Juncal.
No sorteo deste venres non houbo boletos acertantes de Primeira Categoría (5 acertos + 2 estrelas), aínda que un acertante de Segunda Categoría, cuxo boleto foi validado fóra de España, levará 681.329 euros.
Segundo informou Loterías e Apostas do Estado, ao non existir acertantes de Primeira Categoría increméntase o bote que se poñerá en xogo no próximo sorteo. Deste xeito, un único acertante da máxima categoría podería gañar o vindeiro martes, 26 de setembro, un premio de 39 millóns de euros.
A recadación do sorteo celebrado o venres ascendeu a un total de 52.209.124 euros.