Persoal de Juan XXIII limpa os accesos aos centros escolares
Por Redacción
Operarios do centro de educación especial Juan XXIII desenvolven ao longo desta semana tarefas de limpeza e roza en diferentes vías de acceso aos centros escolares do municipio de Marín en previsión do inicio do curso durante a segunda semana de setembro.
Estes traballos desenvólvense a través do convenio que esta organización mantén co Concello de Marín.
Por outra banda, a concellería de Medio Rural indica que xa se executou o Plan Anual de Rozas, que divide este servizo ao longo do ano en distintos espazos do municipio coa intención de garantir que o rural se atope en boas condicións de limpeza e de eliminación de malas herbas e maleza.
Realizarase, segundo indica o goberno local, un repaso naquelas zonas nas que se detectou máis maleza para que estes espazos permanezan en mellores condicións de fronte ao inverno.
O traballo de limpeza e roza tamén se desenvolve nos montes de titularidade municipal. Este labor realizarase ao longo do mes de setembro cunha intervención xa finalizada no Cruceiro do Vento.
Relacionadas:
-
A Xunta concede á Fundación Juan XXIII o novo Programa Integrado de Emprego
Por Redacción |
-
A Fundación Xoán XXIII e a Asociación Virxe da O reciben máis de 50.000 euros da Deputación
Por Redacción |
-
Última fase do plan anual de rozas en Marín
Por Redacción |
-
Programan un calendario de desbroces para manter en perfecto estado todo o municipio de Marín
Por Redacción |
-
Comeza a última fase do plan de roza do rural de Marín
Por Redacción |