A Garda Civil investiga un veciño de Bueu por tráfico de drogas
Por Redacción
A Garda Civil investiga por un delito de tráfico de drogas ao condutor dun ciclomotor que circulaba por Bueu.
Segundo informaron fontes oficiais do Instituto Armado, a patrulla que se atopaba de servizo de seguridade cidadá, mentres realizan un control de vehículos e persoas, dan o alto a un ciclomotor e, tras un rexistro superficial incáutanselle 70 dose dunha substancia que aparenta ser cocaína e 21 dose de suposta heroína, así como diñeiro fraccionado en distintos billetes.
Trasládase ao home, en calidade de investigado ao cuartel da Garda Civil de Marín, onde levan a cabo as correspondentes dilixencias.
Trátase dun veciño de Bueu, de 48 anos, con antecedentes por tráfico de drogas.
As dilixencias, xunto coa droga intervida, serán postas ao dispor do Xulgado de Garda de Marín.