![](/web/cache/scene/uploads/fotos/foto/909/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/64d3ae4d3f-obras-rio-lameira-marin-2-.jpeg)
© Xunta de Galicia
Comezan as obras de saneamento do río Lameira
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
A Xunta vén de comezar as obras de saneamento do río Lameira, que contribuirán a unha mellor calidade das augas da ría de Pontevedra e suporán un investimento de 3,3 millóns de euros.
A intervención está a comezar por traballos previos como a roza, a retirada de residuos, a desmontaxe de cerramentos ou movementos de terras, co fin de acondicionar o terreo para poder executar as obras.
O obxectivo é a optimización da rede de saneamento na contorna do río, reducindo a entrada de augas brancas e regulando a derivación de caudal á depuradora en tempo de chuvia.
Ademáis, renovarase o colector interceptor nunha lonxitude de 1.600 metros, desde a súa orixe en Coirados ata o casco urbano, con 5 cambios de marxe. Tamén se construirá un depósito de retención augas abaixo e actuarase na estación de bombeo existente para corrixir as deficiencias que orixinan frecuentes alivios ao río.
A intervención é froito da colaboración entre a Xunta e o Concello de Marín, que asume o custo das expropiacións con preto 79.000 euros.