![](/web/cache/scene/uploads/fotos/foto/ba7/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/649af11de6-4.jpeg)
© Concello de Pontevedra
O alcalde inicia unha rolda de encontros cos diferentes axentes sociais da cidade
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
![](/web/cache/scene/uploads/fotos/foto/971/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/649af1112c-poreunionalcalde1.jpg)
© Concello de Pontevedra
![](/web/cache/scene/uploads/fotos/foto/857/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/649af1b88c-2.jpeg)
© Concello de Pontevedra
![](/web/cache/scene/uploads/fotos/foto/118/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/649af15eb5-3.jpeg)
© Concello de Pontevedra
O alcalde de Pontevedra, Miguel Anxo Fernández Lores, iniciou este martes unha xeira de rolda de encontros cos diferentes axentes sociais e institucionais da cidade.
Ao longo da xornada, o rexedor recibiu á vicerreitora do campus de Pontevedra, Eva María Lantarón e ao director da Área Adxunta á Vicerreitoría, Luis Torres Vázquez, nunha primeira reunión; a continuación aos membros da Xunta Directiva do Foro Empresa Pontevedra; a representantes e socios da Asociación pola Defensa da Ría (APDR); e, por último, á Federación de Veciños Castelao.
En cada reunión estivo presente un edil, sendo na primeira Demetrio Gómez; na segunda, Eva Vilaverde; na terceira, Carme da Silva; e, na cuarta, María José Abilleira.
Fernández Lores manifestou que estas primeiras tomas de contacto van da man da idea de abrir unha nova etapa tras a súa reelección e teñen como obxectivo "recoller e ter en conta as opinións dos diferentes axentes sociais" da cidade, "abrindo unha nova vía de comunicación e de participación que terá continuidade no día a día", informou o Concello.
A vicerreitora informou que está previsto que proximamente o rexedor e o reitor da Universidade de Vigo, Manuel Reigosa, manteñan tamén unha xuntanza que permita seguir afondando nas liñas de traballo conxunto entre as dúas institucións.
Está previsto que nos vindeiras semanas o alcalde da cidade continúe con este tipo de conversas cos diversos interlocutores da cidade.