Denuncian unha suposta agresión do exalcalde da Lama a unha concelleira de UCIN
Por Oskar Viéitez
Os dous concelleiros da Unión de Cidadáns Independentes (UCIN) no Concello da Lama denunciaron este luns #ante a Garda Civil unha suposta agresión por parte do exalcalde, Jorge Canda, algo que o goberno local nega asegurando que "en ningún momento houbo contacto físico entre Jorge Canda e ningún dos dous concelleiros de UCIN" de quen afirma que tiveron unha "actitude agresiva e maleducada".
Segundo o relato dos feitos que fai a concelleira de UCIN, Olga Rodríguez, ás 8:30 da mañá acudiu ás dependencias municipais xunto ao seu compañeiro e portavoz do partido Carlos Riveiro "para ejercer nuestros derechos como concejales electos" cando o anterior alcalde e actual concelleiro do Partido Popular Jorge Canda "nos interceptó a la entrada, increpándonos de manera expeditiva", dicindo que "el horario del ayuntamiento de atención al público es a partir de las 9".
Olga Rodríguez explicoulle entón "que no soy público, que soy concejala electa y que él no ostenta ninguna autoridad para decidir mi entrada en al ayuntamiento y para impedir el cumplimiento de mis funciones, ya que tengo tanto derecho como él a estar en el ayuntamiento".
Segundo detallou a concelleira de UCIN "a continuación, Jorge Canda Martínez, empieza a empujarme para echarme de las dependencias municipales, poniendo sus manos en mi pecho. Le pido que no me toque, ignora mi petición y continúa tocándome y empujándome en tres ocasiones más. Sale del Concello y le comunico que voy a llamar a la Guardia Civil para denunciar los hechos".
A denuncia contra o que fose alcalde da Lama durante 28 anos foi presentada esta mañá no cuartel da Garda Civil de Ponte Caldelas.
A concelleira de UCIN na Lama destacou que "Jorge Canda Martínez en ningún momento intenta tocar a empujar a mi compañero, sino a mí que soy una mujer". "Ahora mismo estoy bastante conmocionada y aunque no dejaré de ejercer mis labores como concejala electa, siento miedo a que este tipo de situaciones puedan volver a repetirse", manifestou Olga Rodríguez.
Tras estes feitos "deplorables" os concelleiros de UCIN esixen ao actual alcalde David Carrera, o "cese fulminantemente de todos sus cargos de concejal electo o que lo inste a presentar su dimisión inmediata".
Así mesmo instan "al presidente provincial, regional y nacional del Partido Popular que expulsen a esta persona inmediatamente del partido, ya que consideramos que en un partido político democrático, se deben condenar y penalizar todo tipo de violencia".
VERSIÓN DO GOBERNO LOCAL
Desde o goberno municipal do Concello da Lama difundiron un comunicado para "aclarar" o ocorrido nesta "desagradable e inédita experiencia vivida esta mañá no Consistorio".
Segundo a súa versión, "en ningún momento houbo contacto físico entre Jorge Canda e ningún dos dous concelleiros de UCIN" de quen asegura, tiveron unha "actitude agresiva e maleducada" tras indicarlles de que tiñan que esperar ás nove da mañá, en horario de atención ao público, para ser atendidos polos operarios municipais.
O goberno local explicou que desde hai unha semana, ás 8:30 horas e "aproveitando a entrada dos funcionarios á súa hora", os concelleiros de UCIN "cóanse nas instalacións municipais deambulando por despachos, interrogando a funcionarios e traballadores municipais e querendo acceder, sen autorización previa, a documentación protexida pola Lei de Protección de Datos que debe de ser tratada como a lei estipula".
Respecto a o ocorrido este luns, o goberno local sostén que "os concelleiros de UCIN mantiveron unha actitude inusualmente impetuosa, desagradable e especialmente virulenta" cando "se volveron a coar nas instalacións municipais, cuestión sobre a que foron advertidos polo concelleiro Jorge Canda" e ante esta circunstancia, "os edís de UCIN en ton elevado e visiblemente contrariados encaráronse co concelleiro Jorge Canda quen lles advertiu que si non cesaban na súa actitude tería que chamar á Garda Civil, cuestión que finalmente non se fixo desde o Concello para evitar unha situación inédita e desagradable".
"Así mesmo, Canda sorprendido pola actitude inadecuada, persistente e belixerante da concelleira de UCIN" indicoulles que esperasen sentados nun banco da entrada a que fosen as 9 da mañá e puidesen ser atendidos no horario estipulado para o público, segundo explican neste comunicado.
O goberno local asegura que "a pesar das acometidas verbais da concelleira de UCIN, Jorge Canda mantivo en todo momento a compostura, retrocedendo ante a súa insistencia, para evitar en todo momento ter contacto físico cos concelleiros de UCIN, obxectivo que conseguiu ata o final facilitando a súa estancia aos edís nun banco da zona de espera, na planta baixa do Consistorio".
Finalmente engaden, "desde o Concello da Lama laméntase profundamente este tipo de actitudes que so buscan a crispación social, o enfrontamento e alimentar un clima negativo desde o punto de vista da convivencia entre a veciñanza" polo que esperan "que se serenen os ánimos" e animan aos novos concelleiros da Corporación Municipal a que exerzan as funcións democráticas para as que foron elixidos "respectando en todo momento as canles normais de funcionamento e de intervención na vida política deste municipio, como sempre sucedeu nos máis de 40 anos de democracia".