O Partido Socialista pide dous debates co Partido Popular na provincia
Por Oskar Viéitez
O PSdeG-PSOE da provincia de Pontevedra dirixiuse por carta ao Partido Popular para reclamar formalmente a celebración de dous debates durante esta precampaña e campaña electoral.
O cabeza de lista do PSdeG-PSOE da provincia de Pontevedra, David Regades, e membros da súa candidatura para o próximo 23 de xullo, compareceron este xoves na Praza de España, para anunciar esta solicitude de dous debates que, segundo entenden, deben producirse entre quen encabeza as listas ao Congreso do PSOE e o PP, é dicir, entre David Regades e Ana Pastor, "para tratar exclusivamente sobre temas referentes a la provincia de Pontevedra".
A proposta é entre as forzas políticas que agora teñen representación no Congreso e no Senado, pero David Regades engade que no Partido Socialista están "abiertos a otro debate entre todas las fuerzas con representación parlamentaria" e que se presentan nestes comicios "en pro de la transparencia y del fomento de la pluralidad política".
Regades xa anticipa que aceptará calquera formato que propoñan, así como os medios de comunicación ou foros públicos que consideren oportunos, "con el ánimo de no privar a la ciudadanía de la necesaria confrontación de ideas sobre el futuro de esta provincia".
Entende o PSdeG-PSOE que "os debates son sempre produtivos e poden contribuír a que as 950.000 persoas que residen na nosa provincia poidan formarse unha idea clara das propostas e ideas de cada unha das nosas formacións políticas", afirman.