A Deputación impulsa unha alianza para que os concellos capten fondos europeos para o turismo deportivo sostible
Por Redacción
A próxima convocatoria do Plan de Recuperación do Goberno de España para o fomento do turismo deportivo sostible contará cun orzamento total de máis de 36 millóns de euros dos fondos europeos Next GenerationEU. Esta convocatoria servirá, entre outras actuacións, para a mellora das instalacións deportivas municipais.
A Deputación de Pontevedra convocou unha liña extraordinaria para a contratación de asistencias técnicas para optar a esta convocatoria do Consello Superior de Deportes á que se acolleron un total de 28 concellos da provincia.
A presidenta, Carmela Silva, avanzou este martes que, como continuación a esa iniciativa e "consciente de que hai que facer enormes esforzos para que eses recursos cheguen aos concellos", a Deputación vén de poñer en marcha a Alianza polo Turismo Deportivo Sostible.
Esta iniciativa servirá para reforzar as candidaturas dos concellos na vindeira convocatoria para o fomento do turismo deportivo do Consello Superior de Deportes, xa que os municipios que se integren na nova rede provincial recibirán maior puntuación.
Desta maneira, a Deputación quere que esta Alianza sirva de panca para beneficiar aos concellos que queiran captar novos recursos europeos do Plan de Recuperación, establecendo obxectivos comúns no desenvolvemento do turismo deportivo e liderando a súa transformación cara un modelo de xestión intelixente, dixital e sostible.
Relacionadas:
-
A Deputación recibe 2,5 millóns para a transformación dixital de concellos de menos de 20.000 habitantes
Por Redacción |
-
Unha decena de Concellos piden fondos provinciais para redactar proxectos de mellora das súas instalacións deportivas
Por Redacción |
-
Axudas da Deputación para xestionar os fondos europeos para promover o turismo deportivo sostible da provincia
Por Redacción |