Asenta no polígono de Outeda outra empresa do sector da alimentación
Por Redacción
A Xunta de Goberno local do Concello de Barro vén de aprobar a licenza de construción solicitada pola empresa Distribuciones Moroño e Hijos S.L., para a construción dunha nave destinada á almacenaxe de produtos derivados da fariña, conxelados, alimentación e loxística.
Trátase dun grupo empresarial que distrubúe produtos e materiais de panadería, confitería e hostelería. Son uns dos principais provedores en venda de aceites, conservas, cremas e natas na canle Horeca en Galicia.
A nova nave levantarase na parcela E-11 cunha supercie total construída de 1.494 metros cadrados.
O orzamento de execución material ascende a un total de 497.450 euros.
O Grupo Moroño é unha empresa familiar fundada no ano 1963 que ten as súas oficinas centrais situadas no Polígono Río do Pozo (Narón), recentemente inaugurou un gran centro loxístico no Polígono Os Capelos (Carral) desde onde se dá servizo a gran parte da comunidade galega.
Relacionadas:
-
A empresa Lago proxecta unha planta de elaboración de cárnicos no polígono de Barro
Por Oskar Viéitez |
-
O viveiro de empresas de Barro acolle a edición máis feminina do programa SmartPeme
Por Redacción |
-
Carmela Silva pide á Xunta que poña en marcha proxectos industriais "paralizados e comprometidos desde hai tempo"
Por Natalia Puga |
-
Pontevedra reclama ampliar O Campiño antes de 2026 para non "estrangular" a demanda de solo industrial
Por Alejandro Espiño |