Intensifican as rozas no rural marinense para a tempada de verán
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Concello de Marín segue traballando no calendario anual de desbroces, cumprindo prazos e executando os labores de mantemento para así ter un rural limpo e adecentado ao longo de todo o ano e de cara a tempada de verán.
Adiantou o concelleiro de Medio Rural, Pablo Novas, que veñen de concluir os desbroces manuais na zona 2, que vai dende a Escola Naval ata Lapamán. Ao longo desta semana arrancarán os traballos na zona 3, entre Resille e o Sequelo.
A maiores, tal e como explicou o edil, “xa comezou traballar o tractor que contratamos todos os anos e que fará 76 quilómetros de estradas municipais en todas as parroquias”. A pretensión desta labor é poñer a punto todas estas pistas para así garantir a seguridade vial.