Impulso ao parque empresarial de Nantes coa primeira fase do complexo multiservizos
Por Redacción
A empresa municipal Insua Sanxenxo acaba de dar luz verde ao que supón un impulso definitivo para o parque empresarial de Nantes, a contratación da primeira fase da construción da nave de almacén de servizos municipais.
O consello de administración aprobou por unanimidade esta contratación, que permitirá que sexa realidade esta primeira nave no complexo multiservizos previsto no parque empresarial de Nantes.
Con esta construción, o Concello de Sanxenxo espera aforrar anualmente un total de 38.115 euros, que é o actual alugueiro da nave de Servizos.
Os redactores do proxecto traballan xa na separata que sairá a licitación por 2.107.438 euros.
A edificación destinada a nave-almacén contará cunha superficie construída de 2.045 metros cadrados que inclúe o edificio cun aseo, dous vestiarios, uns despachos de billetes e dous accesos. O exterior dispoñerá dun aparcamento e un xardín.