Iván Puentes está convencido de que "está abierta la posibilidad de un sorpasso" no goberno municipal de Pontevedra
Por Oskar Viéitez
O candidato do Partido Socialista á Alcaldía de Pontevedra, Iván Puentes, está convencido de que "está abierta la posibilidad de un sorpasso" e que o PSOE obteña máis representación que o BNG con quen seguiría estando obrigado a entenderse para poder conformar unha maioría.
Ante ese posible escenario Iván Puentes precisou que "las fórmulas de gobierno, aun siendo piezas parecidas, no siempre dan los mismos resultados". Por exemplo, Puentes apuntou que "si el Partido Socialista hubiese llevado el área de urbanismo probablemente no habríamos cerrado Reina Victoria nunca".
O alcaldable do PSOE sinala que todas as enquisas están a debuxar unha "tendencia a la baja" do BNG, un "estancamiento" do Partido Popular e un "repunte" do Partido Socialista con respecto a fai catro anos.
Atendendo a esas sondaxes sobre a intención de voto dos pontevedreses Iván Puentes afirma que "estamos partiendo de la situación más optimista y con más estimación de concejales de la que partió nunca el Partido Socialista en la última década".
Puentes tamén aclarou que "el Partido Socialista nunca va a hacer a Rafa Domínguez alcalde de Pontevedra".
Tamén reivindicou que o seu partido foi "arte y parte" do modelo de cidade implantado durante os últimos anos na Boa Vila pero que agora hai un "cansacio" no Bloque e "a pesar de todo lo bueno que se hizo es necesario refrescar e iniciar un nuevo tiempo" que, ao seu xuízo, pasa polo Partido Socialista.
O candidato do PSOE fixo estas declaracións este xoves no transcurso dun almorzo con xornalistas celebrado no Café Moderno, no que estivo acompañado polo deputado Guillermo Meijón e no que presentou a web de campaña ivanpontevedra.gal que aglutina todas as propostas recollidas no programa electoral co que a lista que lidera concorre ao proceso electoral do 28 de maio, así como contidos de actualidade e datos da candidatura.
Co lema 'A Pontevedra que Vén' a web do candidato socialista presenta un programa que se condensa nas 33 principais medidas que defenderán no próximo mandato.
Entre esas propostas electorais que fai o Partido Socialista de Pontevedra figura substituir o muro vertical que canaliza o río Lérez por terrazas e espazos de lecer entre o Pazo da Cultura e a Ponte do Burgo, traer a Pontevedra "grandes concertos", abrir todas as instalacións deportivas e infantís dos centros educativos durante as tardes e as fins de semana para o uso de toda a cidadanía ou garantir que siga tendo un uso sanitario o Hospital Provincial.
Conceder bolsas para que o alumnado de Secundaria viaxe a Irlanda ou Reino Unido a perfeccionar o inglés, crear un parque de vivendas de alugueiro a uns prezos taxados, converter a Praza de Touros nun novo espazo para a dinamización cultural, novos pavillóns deportivos, desbloquear o PXOM ou transformar a avenida de Raíña Vitoria nun espazo con plataforma única e acceso a vehículos de residentes, comercios e servizos son outras das súas outras medidas.
Relacionadas:
-
O delegado de Zona Franca promete ampliar o polígono de O Campiño se Iván Puentes é alcalde
Por Manu Otero |
-
Unha pasarela que conecte Mollabao coa Puntada, proposta dos socialistas de Pontevedra e Poio
Por Oskar Viéitez |
-
O PSOE propón a creación dunha Cidade do Deporte en Pontevedra
Por Oskar Viéitez & Cristina Saiz |
-
O PSOE aposta por manter a Escola de Enfermería no Hospital Provincial e converter o antigo asilo en residencia de estudantes
Por Natalia Puga |
-
Retirada automática de contedores da Zona Monumental, proposta dos socialistas pontevedreses
Por Redacción |
-
Iván Puentes propón considerar os núcleos rurais como áreas de rehabilitación similares ás ARI
Por Redacción |