Adiántase ao 31 de decembro a celebración do Mercado ambulante de Estribela
Por Redacción
A concellaría de Promoción Económica, Turismo, Feiras e Mercados decidiu adiantar ao día 31 de decembro a celebración do mercado ambulante de Estribela que estaba fixado para o día 1 de xaneiro de 2014, coincidindo co día de ano novo.
A decisión adoptada en cumprimento do establecido na Ordenanza reguladora da venda ambulante no concello de Pontevedra que indica que cando os días fixados para a celebración do mercado coincidan en festivo poderán levarse a cabo o día anterior.
O escrito da concellaría sinala que a Feira se desenvolverá no lugar habitual de celebración na Praza Marqués de Valterra de Estribela.