Máis de 2.000 diocesanos marcaron por primeira vez a casa da Igrexa na Declaración da Renda
Por Oskar Viéitez
A Conferencia Episcopal Española acaba de presentar os datos da campaña da Renda do ano 2022 que corresponde ao exercicio fiscal de 2021.
Nas cifras provisionais constátase que aumentou en 84.201 o número de declaracións en favor da Iglesia (máis do dobre que no ano anterior), o que supón un importante respaldo ao labor da Igrexa.
En conxunto, máis de 8,5 millóns de españois marcan a casa da Igrexa.
Neste sentido, a asignación tributaria supón como media o 22% do financiamento das Dioceses.
Máis concretamente, na Arquidiocese de Santiago de Compostela case 200.000 persoas marcaron a X na Declaración da Renda, das cales 2.000 fixérono por primeira vez no pasado exercicio.
Fernando Barros, ecónomo diocesano agradeceu "o compromiso de todas as persoas que sosteñen a importante actividade da Igrexa compostelá".
Ademais engadiu que "grazas a estas achegas é posible incrementar os gatos dedicados ás accións pastorais, aos Centros de Formación, e á conservación de edificios e gastos de funcionamento".
A Oficina de Transparencia da Conferencia Episcopal Española prepara xa a Memoria de actividades da Igrexa católica en España 2021, onde dará conta da aplicación desta cantidade resultante da X da declaración da renda e de toda a actividade da Igrexa en España en 2021. Esta Memoria de actividades será presentada a mediados do próximo mes de maio.