A reforma das vías perimetrais de Barcelos entra na segunda fase
Por Redacción
As obras de reforma das vías perimetrais da praza de Barcelos que comezaron no mes de xaneiro encaran a partir deste luns 6 de febreiro a súa segunda fase.
Así o anunciou este domingo o concelleiro de Obras, Demetrio Gómez, que explicou que nesta segunda fase é o momento da renovación de servizos na zona máis próxima á rúa Perfecto Feijóo.
A actuación encara xa a segunda fase polo "ritmo áxil das obras durante a primeira fase" e agora vai permitir combinar os traballos nesta nova zona coa pavimentación que comezará nos vindeiros días na contorna da rúa Rouco, na que estivo centrada a segunda fase.
Desta maneira, tal e como indicou Demetrio Gómez, ao longo dos vindeiros días, están previstos traballos combinados para a pavimentación na zona próxima á rúa Rouco e a renovación de servizos na máis próxima á rúa Perfecto Feijóo.
A empresa pontevedresa EC Casas é a responsable de executar uns traballos, que se prolongarán ao longo deste ano e foron adxudicados por 1,9 millóns de euros.
A obra vai supoñer renovar todos os servizos subterráneos e dicir adeus á calzada de lastra, que dará paso ao asfalto desde Perfecto Feijóo ata a Rúa do Rouco, unha superficie de 7.768 metros cadrados. Terá un tratamento diferenciado fronte ao colexio de Barcelos.
O Concello de Pontevedra pretende con este cambio mellorar o tránsito e reordenar o aparcamento, ampliando as beirarrúas nas marxes da praza para favorecer a actividade comercial e a instalación de terrazas.
A portavoz do Goberno Local, Anabel Gulías, sinalou nas últimas semanas que esta obra é "unha das máis importantes do Concello".
Relacionadas:
-
A reforma das vías perimetrais de Barcelos estará rematada antes do próximo verán
Por Alejandro Espiño |
-
O avance das obras en Barcelos deixará desde o luns un único carril de circulación na praza
Por Alejandro Espiño |
-
Pontevedra proba en Barcelos tubaxes de PVC recicladas, máis respectuosas ambientalmente
Por Alejandro Espiño |
-
Comezan as obras nas vías perimetrais de Barcelos, que durarán un ano
Por Oskar Viéitez |
-
Pospoñen o inicio da reforma de Barcelos ao 16 de xaneiro para evitar a campaña de Nadal
Por Alejandro Espiño |