"O Parador de Pontevedra non mola", pero a reforma ven de camiño
Por Oskar Viéitez
Creada e actualizada
Creada e actualizada
"O Parador de Pontevedra non mola", recolle unha das múltiples críticas que poden lerse en Internet sobre a Casa do Barón.
Este comentario singular é o común denominador doutros moitos que aínda que ponderan o servizo e o trato dispensado lamentan que o céntrico Parador quedase "anticuado".
A situación en tan seria que Paradores de España chamou ás portas da Deputación de Pontevedra para "modernizar" o Parador, segundo informou o presidente provincial Rafael Louzán.
Deputación e Paradores asinaron un convenio para financiar a reforma do establecemento da cidade do Lérez.
A reforma consistirá nunhas melloras estéticas e de decoración. E é que tal e como recoñeceu o propio Louzán o establecemento é moi antigo e non cambiou a súa imaxe en moitos anos, para comprobalo pódese dar unha rápida ollada ao NODO do ano 1956 e o video da situación actual do Parador.
Louzán lamentou que a intervención non poida ser "máis ambiciosa pero nestes intres non pode ser".