Convocan unha concentración en Baltar pola falta de médicos no centro de saúde
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A falta de persoal médico no Centro de Saúde de Vilalonga está á orde do día. Segundo denuncia a plataforma SOS Sanidade Pública Sanxenxo, Baltar volveu quedarse "coa metade do persoal médico e un só médico ten que facerse cargo do seu cupo, de dez pacientes por día que lle endosan da axenda da compañeira e aquelas urxencias que aparezcan", explicaron.
"Nesta situación", engaden, "estarán polo menos ata o vindeiro 1 de decembro", polo que fan un chamamento a toda a poboación para que participe na concentración 'Arroupa A Sanidade Pública Digna', que se celebrará o vindeiro domingo 20 de novembro ás 12:00 horas nas inmediacións do Centro de Saúde de Baltar, en Portonovo.
Nela participarán nunha 'performance' de monecos e peluches organizada polo colectivo 'Pediatras e Matronas Xa', que tamén denuncian a falta de facultativo de pediatría no citado centro de saúde.
"As axendas están pechadas de médicos de familia e co PAC (Urxencias) atendido sen un equipo completo de médico, enfermeiro e PSX", derivando aos pacientes, a maioría das veces, ao Servizo de Urxencias de Montecelo, o que ocasiona o "desbordamento completo" deste servizo que "se podería atender tanto en consulta ordinaria como en urxencias dos centros de saúde".