Celebración na Residencia Campolongo dos 100 anos de Emérita Reija
Por Redacción
Miguel Anxo Fernández Lores, alcalde de Pontevedra, e o director xeral de Maiores e Atención Sociosanitaria, Antón Acevedo, acudían este mércores á Residencia de Campolongo para celebrar o aniversario de Emérita Reija Reija, usuaria deste centro que festexou os seus cen anos.
Nesta celebración participaron familiares, persoal e residentes do centro que homenaxearon a Emérita e recoñeceron a súa longa vida de esforzo e dedicación.
Desde a Xunta de Galicia, de quen depende a Residencia de Maiores de Campolongo sinalan que continuarán reforzando os servizos dirixidos á atención das persoas de avanzada idade para garantir os coidados que precisan e nos lugares onde desexen, xa sexa na súa contorna máis próxima ou nun centro, como sucede con aquelas persoas que precisan dunha atención de maior intensidade. Os orzamentos de 2023 da administración autonómica destinan 438 millóns de euros á área de maiores.