Marín dá a benvida aos novos alumnos da Escola Naval
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/8d1/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6308bc8a41-img_0367-233810-.jpg)
© Concello de Marín
![](/web/cache/scene/uploads/fotos/foto/8e8/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6308bc97dc-img_0361-233809-.jpg)
© Concello de Marín
Os futuros oficiais e enxeñeiros da Armada xa chegaron a Marín. En setembro, un total de 119 alumnos e alumnas iniciarán a súa formación na Escola Naval Militar e, antes dese momento, o Concello decidiu organizar unha recepción oficial.
Todos eles, segundo recordou a alcaldesa de Marín, María Ramallo, pasarán os próximos anos na vila que, con este acto, deulles a benvida ao municipio.
A alcaldesa quixo trasladarlles "todo o noso acollemento, porque agora pasaredes a formar parte do noso día a día como vila", despois de facer un gran esforzo para chegar ata aquí porque, para acceder á Escola Naval, tiveron que superar unha nota de corte de 12.
"Estes días son moi intensos, de moitos cambios e de poder poñer ese primeiro pé nese soño profesional que tendes", subliñou Ramallo, que destacou os lazos que hai entre Marín e a Escola Naval tras case oitenta anos de arraigamento.
Ademais, a rexedora quixo destacar que esta promoción que chega a Marín este ano é a máis numerosa no que respecta á presenza feminina. "Sodes un absoluto referente para outras mulleres que se queiran dedicar a esta profesión", díxolle a todas elas.