O curro de San Ramón retoma a rapa das bestas da Escusa
Por Redacción
A Escusa volvía congregar por centos de persoas con motivo da celebración da Rapa das Bestas, un evento que se converteu en cita tradicional para os afeccionados á festa dos municipios de Poio e Meis.
O curro de San Ramón recibía aos visitantes despois do parón obrigado durante o peor período da pandemia. A agrupación de Gandeiros de Monte Castrove organizaban este acto con máis de cincuenta cabalos aos que se cortan as crinas durante un evento que se iniciaba ao redor das 11.30 horas deste domingo coa baixada dos cabalos salvaxes ata o recinto.
Durante a celebración non se rexistraron incidentes. Axentes da Policía Local de Poio participaban no operativo para garantir a seguridade na entrada ao curro dos animais e pechando a vía ao tráfico.
Tamén catro persoas voluntarias da Agrupación de Protección Civil de Poio encargábanse durante toda a xornada de realizar labores de seguridade e sanitarias nunha festa que finalizaba cunha actuación dun dj. Ao acto asistían representantes da corporación municipal como a concelleira de Seguridade Cidadá, Marga Caldas, ou o portavoz do Partido Popular, Anxo Moldes. Tamén asistía a alcaldesa de Meis, Marta Giráldez.