O Burgo celebra o Santiaguiño coa súa tradicional procesión para recoller uvas e millo
Por Redacción
O barrio pontevedrés do Burgo recupera as súas tradicións sen ningunha restrición nunha animada ponte pola festividade de Santiago Apóstolo.
Dentro do programa das Festas do Santiaguiño, este domingo os veciños do barrio protegonizaron a tradicional procesión para recoller uvas e millo.
Conta a tradición que o Apóstolo Santiago, no seu percorrido, foi atendido por un familia da Santiña, que lle ofreceu descanso, comida e bebida. Desde entón neses terreos a vide madura antes que no resto de cultivos próximos.
A procesión partiu ao redor das 20.15 horas desde a capillo do Burgo coa imaxe do Apóstolo, coa intención de que visitase un ano máis a casa familiar dos Couto.
A xornada nas Festas de Santiaguiño contaban ademais este domingo con pasarrúas e cunha verbena amenizada a partir das 22.30 horas polas orquestras Tapioka e Kamelot no Recinto Feiral.
As actividades continuarán este luns 25 de xullo para finalizar con fuergos de aritificio a medianoite e xa o martes co día do niñ nas atraccións instaladas.