VÍDEO.- Mobilizan o helicóptero de Salvamento para rescatar un menor atrapado na Illa dos Ratos, en Poio
Por Diego Espiño
Rechamante rescate o efectuado a última hora deste luns en Poio, ao redor das 20.30 horas, na coñecida como Illa dos Ratos.
Segundo explica a Policía Local de Poio, un menor viuse soprendido pola subida da marea quedando atrapado no illote, situado a apenas 100 metros da costa.
A pesar da proximidade con terra asina, o vento e a ondada impedíanlle saír a nado, polo que se mobilizaron os servizos de emerxencia.
Finalmente foi o helicóptero de Salvamento Marítimo o que o rescatou e trasladouno san e salvo á Praia da Ostreira.
No operativo tamén tomaron parte efectivos de Protección Civil, que explicaron que segundo manifestaron testemuñas da situación, o mozo en ningún momento tentou saír da Illa dos Ratos nin solicitou axuda, senón que se atopaba esperando a que baixase a marea.