Unha vaga de calor "extrema" levará ás Rías Baixas a rozar os 40 graos
Por Redacción
Ata o vindeiro venres, polo menos, toda Galicia estará no nivel máximo de alerta por unha onda de calor "extrema" que, no caso das Rías Baixas, levará aos termómetros para rozar os 40 graos, segundo recollen as previsións de Meteogalicia.
Os próximos días estaremos baixo os efectos dunha masa de aire moi cálida de orixe norteafricana, unha situación excepcional na comunidade galega.
Ademais das altas presións que permanecerán estacionarias ao norte da península Ibérica, haberá unha Depresión Illada en Niveis Altos (DANA) no Atlántico, ao oeste da península, que fará que a intensidade e a duración desta chegada de aire cálido sexa superior a outros episodios.
Isto fará que as temperaturas sexan moi elevadas durante este período tanto nos valores mínimos como nos máximos.
A situación finalizará co achegamento da DANA a Galicia, previsiblemente durante a fin de semana, xa que nese momento haberá inestabilidade e por tanto nubes, tormenta e a entrada de aire atlántico máis fresco e húmido que ocasionaría un descenso nos termómetros.
No caso de Pontevedra, espéranse 37 graos de máxima para martes e mércores, mentres que o xoves chegarase aos 38 graos. Será a segunda cidade máis calorosa estes días tras Ourense, onde se alcanzarán os 42 graos.
Os centros sanitarios galegos estarán en sobre aviso polo previsible aumento de patoloxías asociadas á calor.
RISCO DE INCENDIOS
Doutra banda, desde Meteogalicia alertaron acerca da posibilidade de incendios na comunidade. "Existe un risco potencial moi alto durante esta semana en, practicamente, toda Galicia", sinalou un experto deste servizo meteorólogo.
Relacionadas:
-
Baixan as temperaturas ata que volva o anticiclón o mércores
Por Redacción |
-
Pontevedra, ás portas do récord histórico de altas temperaturas
Por Alejandro Espiño |
-
Activan a alerta máxima por calor en todas as Rías Baixas
Por Redacción |
-
As Rías Baixas, en alerta polas altas temperaturas
Por Redacción |