As Rías Baixas, en alerta polas altas temperaturas
Por Redacción
As altas temperaturas que se agardan para as vindeiras xornadas manteñen as Rías Baixas en alerta. A ola de calor que azoutará toda Galicia deixará temperaturas de ata 40 graos e para as Rías Baixas agárdanse 34.
A Dirección Xeral de Emerxencias e Interior da Xunta de Galicia lanzou un aviso este xoves por un episodio de fenómenos meteorolóxicos adversos que activa en Pontevedra (Miño, 36 graos; e Rías Baixas, 34) e en Ourense (Miño 36 graos) o nivel de alerta amarelo.
Segundo a información da Axencia Estatal de Meteoroloxía (AEMET, este fenómeno meteorolóxico adverso de nivel amarelo por temperatura máxima comenzará a partir das 13.00 horas deste venres 8 de xullo e finalizará nas últimas horas do día.
En previsión destes feitos, a Dirección Xeral de Emerxencias e Interior recomenda adoptar as medidas preventivas necesarias ante as citadas predicións meteorolóxicas.