Unha "balea voadora" cruza o ceo das Rías Baixas
Por Oskar Viéitez
O voo de probas dun avión Beluga XL chamou a atención de numerosos cidadáns que este martes sorprendíanse, sobre as dez e media da mañá, ao ver a este xigante cruzando o ceo das Rías Baixas.
Airbus está a probar o aeroporto provincial de Peinador para o despegamento e aterraxe deste xigante dos ceos que, como indica o seu nome, ten un deseño con forma de balea. Mesmo na fuselaxe leva pintada unha boca e uns ollos para parecerse máis ao cetáceo.
Segundo os datos do fabricante, a aeronave ten unha lonxitude de 63 metros de lonxitude por 60 de envergadura e case 19 de alto, cunha capacidade de carga de 47 toneladas.
O Airbus Beluga XL é un gran avión de transporte que entrou en servizo en 2019. Baséase no avión de pasaxeiros Airbus A330-200. Foi deseñado, construído e será operado por Airbus para mover os compoñentes de aeronaves que fabrican.