Unha feira de repostería e pastelería tradicional para celebrar o Entroido pontevedrés
Por Redacción
No camiño para converter Pontevedra en Capital Española da Gastronomía 2023, o proxecto Pontevedra Capital Gastro continúa a encher o calendario de novos eventos culinarios que permiten poñer en valor o potencial gastronómico da cidade.
A vindeira cita terá lugar coincidindo coas celebracións do Entroido e nace co obxectivo de adozar aínda máis o padal dos pontevedreses: será a primeira Feira das Reposterías e Panaderías de Pontevedra que, enmarcada no xa bautizado como Entroido Gastronómico, daralle especial protagonismo aos doces típicos desas datas.
A iniciativa desenvolverase na Praza de España durante tres xornadas, entre o venres 25 e o domingo 27 de febreiro, en horario de 11:00 a 20:00 horas, e traducirase na instalación dunha creativa carpa en forma de tipi de 200 metros cadrados de superficie cunha decena de postos de venda de madeira que serán ofrecidos de xeito gratuíto ás panaderías e reposterías da cidade.
Tamén se instalarán mesas sen cadeiras para que os asistentes poidan degustar os doces de Entroido no recinto, e haberá unha exposición de materias primas.
A feira foi presentada este venres no obrador de panadería e pastelaría do Centro Integrado de Formación Profesional (CIFP) Carlos Oroza, nun acto no que participaron a concelleira de Promoción Económica e Turismo, Yoya Blanco; o director do centro, Manuel Hermo, e varias representantes do equipo de Pontevedra Capital Gastro.
Relacionadas:
-
RADIO.- Hai días mundiais no ano para case todo e hoxe é o da torta de queixo
Por Marisa Ciordia |
-
A feira dos doces do Entroido recibiu a visita dunhas 10.000 persoas
Por Redacción |
-
Pontevedra albergará en maio o primeiro concurso de tapas e petiscos de Galicia
Por Manu Otero |
-
A Praza de España engalánase para a primeira feira de doces de Entroido
Por Redacción |
-
Urco, rei do Entroido, volverá o 25 de febreiro a insuflar festa e tradición nas rúas pontevedresas
Por Redacción |
-
A Boa Vila tamén quere ser a sede do primeiro Campionato Galego de Pinchos e Tapas
Por Redacción |
-
Divertida presentación en FITUR da "capital española do turismo verde, deportivo e gastronómico"
Por Oskar Viéitez |
-
A cidade de Pontevedra xa é oficialmente candidata a Capital Española da Gastronomía 2023
Por Redacción |
-
Pontevedra viaxará a Fitur como potencia gastronómica
Por Manu Otero |