Ence desvela unhas ganancias de 37,8 millóns nos primeiros nove meses do ano
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Ence pechou os primeiros nove meses de 2013 cun beneficio neto de 37,8 millóns de euros, un 31% máis que no mesmo período do pasado ano, segundo informou a pasteira.
A compañía argumenta estes resultados na suba do prezo da celulosa, a mellora da produción e a contribución da nova planta de biomasa de Huelva, que "compensan o impacto dos novos impostos en enerxía".
Nos datos facilitados por Ence establécese un volume de vendas ao final do terceiro trimestre de 653,4 millóns, o que supón un aumento do 8%.
En relación á débeda financeira neta da empresa situouse nos 99,2 millóns de euros tras reducilas un 35% respecto ao mes de setembro de 2012.