Expertos en política urbana visitan Pontevedra para comprobar os investimentos de fondos europeos
Por Mónica Patxot & Redacción
Ao redor de vinte persoas que forman parte do proxecto de cooperación interrexional (Interreg Europe) sobre política urbana, que lidera o Eixo Atlántico, realizaban unha visita este xoves por diferentes puntos da cidade.
Este colectivo ten como fin reforzar e presentar propostas de mellora para establecer os instrumentos de financiamento da política urbana a partir do FEDER, que en España execútanse a través dos fondos europeos EDUSI.
Estes visitantes procedían de diversos países de Europa como Letonia, Romanía, República Checa, Polonia, Bélxica e Francia coa idea de ver Pontevedra como exemplo de organización urbana para o proxecto de colaboración interrexional.
Comprobaron como se realizaron diferentes proxectos na cidade do Lérez con fondos europeos. Acompañados polo alcalde Miguel Anxo Fernández Lores e polos concelleiros Anabel Gulías e Demetrio Gómez, responsables das áreas de Promoción da Cidade e de Mobilidade, realizaron un percorrido pola glorieta de Compostela, a rúa Virxe do Camiño, o barrio de O Gorgullón e polo centro histórico con paradas na ponte do Burgo e no Mercado de Abastos.
Os concelleiros Gulias e Gómez Xunqueira explicaron as actuacións desenvolvidas nestes espazos e responderon as preguntas destes expertos europeos sobre as obras que se realizaron dentro do concepto de modelo de cidade.
Relacionadas:
-
A reforma do acceso á ponte do Burgo inclúe unha praza e redución de carrís de tráfico
Por Manu Otero |
-
Pontevedra lidera a candidatura dun proxecto paisaxístico nas zonas urbanas e rurais de Galicia e o Norte de Portugal
Por Redacción |
-
As obras públicas paralizan a súa actividade durante o Nadal
Por Redacción |
-
Prorrogada ata o 14 de marzo a reforma das rúas perimetrais do Gorgullón
Por Redacción |
-
Transición Ecolóxica aproba a Axenda Urbana de Pontevedra, un documento para optar a axudas europeas que recollerá demandas veciñais
Por Redacción |
-
Pontevedra espera que a boa xestión dos proxectos EDUSI sirva de aval para captar máis fondos europeos
Por Oskar Viéitez & Mónica Patxot |
-
O modelo de cidade de Pontevedra, recoñecido polas institucións europeas como exemplo de cidade a seguir
Por Redacción |