Inician una campaña de recollida de roupa de cama ante a chegada do frío
Por Redacción
A Concellería de Servizos Sociais inicia unha campaña de recollida de roupa de cama para repartir entre as persoas de Ribadumia con menos recursos co obxectivo de que, coa chegada do frío, todos os veciños do municipio dispoñan de roupa de abrigo nas súas camas.
As persoas que estean interesadas en participar nesta campaña poden deixar as sabas, mantas ou edredóns que non usen e que estean en boas condicións nas oficinas municipais, xa que será a propia Concellería de Servizos Sociais a que se encargue de repartilas segundo as necesidades de cada familia.
Este servizo vén a completar o Roupeiro Municipal habilitado pola mesma concellería e que cumpre un dobre obxectivo: que os veciños poidan desfacerse de indumentaria en bo estado e, ao mesmo tempo, repartila entre as persoas máis necesitadas.
As persoas interesadas en participar neste programa, tanto para deixar roupa como para solicitala, poden facelo nas oficinas municipais.
O Roupeiro Municipal forma parte dun paquete no que tamén se inclúen outros proxectos postos en marcha pola concellería de Servizos Sociais de Ribadumia e que están destinados ás persoas con menos recursos.
Entre eles destacan o Programa de Emerxencia Social, o Programa de Alimentos de Ribadumia ou o préstamo de camas articuladas hospitalarias e de sillas de roda, entre outros.
A emerxencia social son axudas económicas de carácter extraordinario, estinadas a paliar situacións de emerxencia que orixinen gastos extraordinarios para cubrir necesidades específicas de carácter básico e urxente.
A maior parte desta partida está destinada a gasto de mantemento de vivendas, para garantir unhas condicións (Pontevedra) mínimas de habitabilidade; alimentación; gastos farmacéuticos; e equipamento básico para o fogar, tales como mobles ou electrodomésticos de primeira necesidade: frigoríficos, camas En definitiva, un abanico de axudas para facer fronte a situacións de emerxencia social no municipio.
No que respecta ao programa de alimentos, cada mes distribúese un lote de alimentos de primeira necesidade entre os usuarios deste programa, co obxectivo de garantir que a súa situación económica que atravesan non inflúa na súa alimentación.