O documental "Pontevedra gaña con elas" estréase o venres no Principal
Por Redacción
O Teatro Principal de Pontevedra acollerá este venres 15 de outubro ás 19.30 horas a estrea do documental Pontevedra gaña con elas, impulsado pola Concellería de Deportes.
A peza audiovisual, producida por Miguel Riaño, guionizada por Silvia Vieito e realizada por Fernando Portela; será presentada pola propia Vieito e, despois do visionado, terá lugar un coloquio moderano pola concelleira de Igualdade, Yoya Blanco.
Nesta charla participarán a presidenta da Deputación, Carmela Silva; a exxogadora do Teucro e delegada da Selección Española nos Xogos Olímpicos de Atenas e Barcelona, Nieves Gamallo; a adestradora do Arxil, Mayte Méndez; a atleta Chus Sanguos, a triatleta Carmen Gómez; e as nadadoras Bea e Lara Gómez.
A entrada á estrea é gratuíta pero o aforo está limitado a 30 persoas como consecuencias das restricións motivadas pola situación sanitaria. A inscrición debe realizarse a través do correo info@metropolis.coop.
Acudirán tamén ao evento os deputados provinciais Gorka Gómez e Vitoria Alonso, así como os concelleiros Iván Puentes, Marcos Rey, Carmen Fouces, Pilar Comesaña, Silvia Junco, Guillermo Juncal e o titular municipal de Deportes, Tino Fernández, que presentará xunto a Vieito o documental.
Nesta ligazón pódese ver o teaser do documental