"Fruit & attraction"
Por Redacción
José Benito Suárez Costa, presidente da Autoridade Portuaria, viaxou a Madrid para visitar a feira internacional de froita "Fruit & Atraction", que se celebrou esta semana no recinto IFEMA da capital española. A feira reúne a 600 expositores nacionais e estranxeiros especializados no sector hortofructícola.
Fruit Attraction é xa un encontro de referencia para productores, proveedores e clientes de distribución de froita e hortalizas.
Neste sentido, o presidente da Autoridade Portuaria pretende presentar aos futuros clientes os servizos que presta o Porto para este tipo de tráfico, así como establecer novos contactos empresariais co obxectivo de seguir incrementando o movemento desta mercadoría.
O da froita é un dos tráficos que máis creceu nos últimos anos, pasando de 8.000 toneladas movidas en 2008 ata as 64.000 toneladas de froita que se rexistraron en 2011 e as máis de 100.000 que se levan contabilizadas ata o momento en 2012.
O Porto conta cunha terminal especializada para este tipo de mercadoría, cun peirao de 161 metros lineales ademais da terminal de contenedores e con varias liñas regulares dedicadas ao transporte de froita, entre elas as das compañías internacionais MSC e Do Monte que descargan en Marín de forma semanal froita procedente de Sudamérica.