Máis de 40.000 persoas vacináronse da gripe na área sanitaria de Pontevedra
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A pandemia da covid-19 disparou o número de persoas que decidiron vacinarse da gripe na actual campaña, segundo reflicten os datos de Sanidade.
Un total de 40.680 persoas da área sanitaria de Pontevedra e O Salnés pasaron xa polos centros sanitarios para inxectarse a vacina da gripe.
Durante as últimas semanas, en toda Galicia o número de vacinas rexistradas é de 389.171, o que supón case 125.000 máis que o ano anterior.
De entre todas elas, destacan as 248.834 doses que recibiron os maiores de 65 anos, 52.000 máis que en 2019; ou as case 25.000 vacinas que se puxo o persoal sanitario de toda Galicia, que en toda a campaña anterior non superaran as 18.000.