Sufocan de madrugada o incendio dun coche aparcado en Campelo
Por Redacción
Os servizos de emerxencia tiveron que actuar durante a madrugada deste domingo 25 de outubro na parroquia de Campelo.
O motivo foi o incendio declarado nun turismo aparcado na rúa.
Voluntarios de Protección Civil de Poio e efectivos de Emerxencias Sanxenxo acudiron ao lugar tras recibir o aviso ao redor das 2.50 horas da madrugada.
O lume calcinou por completo o vehículo, iniciado por causas que polo momento se descoñecen, segundo confirmaron membros do dispositivo.