Os armadores de Marín promocionan o consumo de peixe en Canarias
Por Redacción
Dar valor ao labor que realizan os restaurantes e promover o consumo de peixe entre os insulars é a meta de "Pescado en Ruta", unha campaña impulsada pola frota da (Asociación Nacional de Armadores de Buques Conxeladores de Pesca de Cefalópodos), asociación formada por armadores marinenses con barcos cefalopoderos con porto base nas Palmas.
Unha ducia de restaurantes de Gran Canaria e Tenerife participan nesta iniciativa, nacida durante o estado de alarma e que se prolongará ata o 23 de setembro, elaborando receitas que contan entre os seus ingredientes con salmonete, pescada ou brótola, as tres especies pesqueiras que capturan os 16 barcos da asociación nos caladoiros do África Occidental.
Na actualidade esta organización, da que é xerente o marinense Juan Carlos Martín Fragueiro, está integrada por 15 socios cun total de 16 buques arrastreiros conxeladores.
Esta frota desenvolve actualmente a súa actividade en augas de Marrocos, Mauritania, Senegal, Gambia, Guinea Bissau e Guinea Conakry, ao amparo de acordos de pesca sostible entre a UE e estes países ou tamén de acordos privados.