A Xunta elimina un punto de vertedura de augas residuais na avenida de Chancelas
Por Redacción
O persoal do Plan de Control de Verteduras, de Augas de Galicia, dependente da Consellería de Sanidade inspeccionaba nos últimos días a zona da avenida de Chancelas onde se detectou unha vertedura irregular.
Tratábase dunha filtración de augas residuais procedente da rede de rede de sumidoiros municipal que afectaba a este punto da parroquia de Combarro no municipio de Poio.
Desde a Xunta de Galicia notificábase esta incidencia ao Concello de Poio e solicitábaselle a adopción das medidas oportunas para suprimir a orixe da vertedura.
Os técnicos de Augas de Galicia realizaron unha nova inspección durante as últimas horas e comprobaron a solución dos problemas de filtración de auga detectados. Ademais observaron que se cesou a emisión de líquidos contaminantes que se dirixían cara a un dos areais de dominio público.