VÍDEO.- Os fogos iluminan un ceo nocturno anubrado para dicir adeus ás Festas
Por Cristina Saiz & Redacción
Na medianoite deste domingo 16, cando os ceos sobre Pontevedra atopábanse ateigados de nubes que deixaban precipitacións intermitentes, os fogos de artificio iluminaron a cidade para despedir a Semana Grande das Festas da Peregrina 2020.
Nesta ocasión, o lanzamento das sonoras bombas de palenque realizábase desde a avenida de Montero Ríos baixo estritas medidas de seguridade, coa presenza de patrullas da Policía Local e efectivos de Protección Civil de Pontevedra.
O escaso público que se achegou para ver esta tradicional cita de fin de festa buscaba acubillo da chuvia nos arredores do edificio da Deputación de Pontevedra. A tirada durou aproximadamente oito minutos.
Este ano durante toda a semana das Festas da Peregrina, debido á situación excepcional derivada da crise sanitaria pola pandemia, o goberno local decidía realizar lanzamentos "sorpresa" a diario en distintos puntos da cidade.
Relacionadas:
-
Rosa Cedrón amaina a chuvia para pechar os concertos das Festas da Peregrina
Por Cristina Saiz & Redacción |
-
Rosa Cedrón Dúo, The Lakazáns e Os Carunchos porán fin este domingo aos concertos das Festas da Peregrina
Por Cristina Saiz & Redacción |
-
Pel e Pau, La casa de los ingleses e Emilio Rúa, música para todos os gustos
Por Cristina Saiz & Redacción |
-
Agárdanse chuvias intermitentes nas Rías Baixas durante a fin de semana que pecha as festas da Peregrina
Por Redacción |