Un axente da Policía Local de Poio rescata unha cría de gato dun contedor e decide adoptala
Por Redacción
Nestes días de confinamento seguen producíndose situacións que provocan repulsa. Nesta ocasión, algunha persoa sen escrúpulos depositaba unha cría de gato nun contedor de lixo situado no lugar de Fontenla, no municipio de Poio.
A Policía Local de Poio dentro das misións de protexer a vida de seres vivos detectaba a presenza do pequeno animal e conseguía rescatalo.
O axente que o recollía do contedor de lixo non se puido resistir aos encantos do diminuto felino e decidiu adoptalo para darlle a protección e coidados que precise.
O abandono de animais está tipificado no artigo 39 da Lei de protección e benestar dos animais de compañía en Galicia, aprobada en 2017 e considérase unha infracción grave, con sancións económicas que van de 501 a 5.000 euros.
Relacionadas:
-
Axentes da Policía Local rescatan un can en Chancelas pechado nun turismo a máis de 35 graos de temperatura
Por Redacción |
-
Rescatan unha cría de gato que levaba varios días agonizando baixo unha tubaxe en Raxó
Por Redacción |
-
Poio reforza a súa Policía Local coa incorporación de dous novos auxiliares
Por Redacción |