Deteñen dous mozos iranianos por roubos con violencia na comarca do Salnés
Por Redacción
A Garda Civil detivo a M.T., de 23 anos de idade e a MM.P., de 19, ambos os dous de nacionalidade iraniana e con domicilio en Guadalajara, como supostos autores de, polo menos, tres roubos con violencia ou intimidación e un furto. Estes feitos delituosos foron realizados durante o actual mes de xullo nas localidades de Cambados e Sanxenxo, mentres que o furto foi levado a cabo en Vilaboa.
As detencións son froito das investigacións levadas a cabo por compoñentes da Garda Civil de Vilagarcía e Cambados, que ante as sospeitas infundidas polo vehículo Volkswagen Passat, estacionadas nas inmediacións dun centro comercial de Vilagarcía e ocupadas por dous mozos, procederon á identificación dos mesmos os cales mostran para iso ambos os dous Permisos de Condución expedidos en Irán.
Ao ter indicios de que a documentación presentada polos dous mozos puidese ser falsa, procedeuse á condución destes a dependencias oficiais ao obxecto de comprobalo.
No transcurso destas indagacións a Garda Civil puido constatar a suposta autoría destes dous iranianos nos feitos delituosos anteriormente mencionados, polo que se procedeu á súa detención.
Continúanse coas investigacións para determinar se os detidos puidesen ser autores ou ter participación noutros feitos similares levados a cabo nesta provincia ou resto da Comunicad Autónoma, non descartando novas detencións.
Serán presentados, xunto coas dilixencias instruídas, ante o Xulgado de Instrución número Cuatro dos de Cambados.