Un motorista resulta ferido nun accidente na Avenida de Castrelo, Cambados
Por Redacción
Unha persoa resultou ferida este domingo 29 de decembro nun accidente de circulación en Cambados.
Trátase dun motorista, un home de 59 anos de idade, que se viu involucrado nun choque cun turismo.
O suceso tivo lugar á primeira hora da tarde na Avenida de Castrelo, á altura da ponte.
Ata o lugar desprazáronse efectivos do servizo municipal de emerxencias, Policía Local, Guardia Civil de Tráfico e unha ambulancia do 061.
O ferido foi trasladado polos profesionais sanitarios ao Hospital do Salnés afectado dunha posible fractura de tibia e peroné, segundo sinalaron os servizos de emerxencia.