Un accidente de circulación en Adina causa restricións telefónicas ao derribar o poste de servizo
Por Redacción
Unha saída de vía máis aparatosa que grave provocou problemas na rede teléfonica de Adina, Sanxenxo.
Unha condutora, veciña de Montalvo, perdeu o control do seu Seat Córdoba pasadas as 22:30 horas do luns saíndose da vía á altura do número 26 de Rial, en Adina. O vehículo impactou contra o poste de telefonía derrubándoo sobre o cableado eléctrico, segundo informa o 112.
No suceso, que se puido deber a un despiste, o coche chegou a envorcar. A condutora, aínda que resultou ilesa, desprazouse ata o centro de saúde da localidade.
Ata o punto do accidente achegáronse efectivos de Unión Fenosa, que descartaron que os cables de subministración eléctrica se visen afectados. Non pasou o mesmo co servizo telefónico, que se intenta restablecer o antes posible.