A Garda Civil detén un veciño de Poio como suposto autor de 14 roubos
Por Redacción
A Garda Civil detivo a JM.P.I., de 40 anos de idade e veciño de Poio, como suposto autor de polo menos 14 roubos con forza perpetrados, nos últimos dous meses, en talleres mecánicos, tendas de alimentación e vivendas sitos na zona de Lourido e Campelo do municipio de Poio.
Esta detención é froito das investigacións que compoñentes do Posto da Garda Civil de Pontevedra viñan realizando dentro do marco do Plan de Turismo Seguro e Operación Verán polo que se impulsa a prevención de ilícitos penais contra o patrimonio.
Recuperáronse algúns dos efectos subtraídos que serán devoltos aos seus lexítimos propietarios.
As investigacións continúan abertas por se o detido puidese estar implicado en máis feitos delituosos desta índole.
O detido, ao que lle constan antecedentes policiais, será posto, xunto coas dilixencias instruídas, a disposición do Xulgado de Instrución número tres dos de Pontevedra.