Rueda mantén un encontro con Diego González, novo Xefe da Policía Autonómica en Pontevedra
Por Redacción
Alfonso Rueda, vicepresidente da Xunta, recibía este xoves nas oficinas de San Caetano ao novo xefe da Unidade da Policía Adscrita (UPA) en Pontevedra, Diego González Vicente.
Ademais do novo xefe da Policía Autonómica, tamén asistiron á xuntanza o director xeral de Emerxencias e Interior, Santiago Villanueva e o comisario xefe da Policía Autonómica, Fernando Pico.
Durante este encontro, Alfonso Rueda ofrecíalle ao máximo representante da Policía Autonómica na provincia o seu apoio e destacaba o imprescindible labor que desenvolven os axentes autonómicos en Galicia.
Desta forma, o vicepresidente destacou o traballo que acometen en cuestións tan importantes como a protección de menores e de vítimas de violencia de xénero; o furtivismo; a conservación do medio ambiente e a investigación de incendios forestais nos montes da comunidade.