Deteñen dous mozos sorprendidos in fraganti cando roubaban nun negocio do Paseo de Colón
Por Redacción
A Policía Nacional detivo dous veciños de Pontevedra de 19 anos que foron sorprendidos in fraganti cando roubaban nun establecemento do Paseo de Colón da cidade.
Os feitos sucederon sobre as 3.45 horas da madrugada deste mércores 30 de outubro, cando axentes que se atopaban patrullando en prevención da seguridade cidadá foron requiridos por un veciño da zona que oíu un forte ruído desde o seu domicilio.
O citado veciño escoitou o ruído, asomouse á xanela e observou dous individuos en actitude sospeitosa. Un deles estaba en actitude vixiante e, cando baixou ao portal, sorprendeu a un deles levando unha caixa rexistradora e outros obxectos nas mans.
Ao ser sorprendidos, saíron fuxindo á carreira, pero a Policía Nacional logrou deter a ambos: un deles foi interceptado na o rúa Campo da Torre e o outro na avenida Reina Vitoria.
Os axentes efectuaron unha inspección polos establecementos da zona e comprobaron que unha das tendas tiña fracturado o peche e do interior faltaba a caixa rexistradora.
Os axentes trasladáronos a dependencias policiais para identificalos e finalmente foron detidos. Ambos teñen antecedentes policiais e atribúeselles un roubo con forza.
A propietaria do local denunciou a subtracción da caixa rexistradora na que había 150 euros en moedas, ademais dun neceser que contiña 200 euros e un prato de plástico no que había 150 euros en paquetes de moedas.