Novo apagón nocturno en Eduardo Pondal
Por Redacción
Durante a noite do domingo 21, a rúa de Eduardo Pondal quedou sen iluminación pública nunha das beirarrúas onde existen máis establecementos comerciais.
Tras consultar esta redacción co servizo de Unión Fenosa, dende a compañía afirman que non tiña constancia da avería. Nesta rúa prodúcense con relativa frecuencia este tipo de apagóns durante varias horas co problema que supón para peóns e condutores.
Curiosamente, durante esta xornada tamén se producía un apagón de a penas un minuto na sede provincial do Partido Popular cando os militantes estaban a seguir a comparecencia pública a través da retransmisión televisiva de Dolores de Cospedal.