Un veciño de Poio irá a xuizo rápido tras ser 'cazado' conducindo co carnet sen puntos
Por Redacción
Un veciño de Poio será sometido a xuízo rápido no Xulgado de Garda de Pontevedra nos próximos días tras ser 'cazado' pola Garda Civil conducindo o seu turismo sen carné por perder todos os puntos asignados.
Segundo informou a Garda Civil, axentes do subsector de Tráfico de Pontevedra imputaron a A.V.L. como suposto autor dun delito contra a seguridade vial tras localizalo cometendo a citada infracción na estrada PO-308, que comunica Pontevedra con Sanxenxo.
O condutor foi localizdo pola patrulla de Tráfico á altura do punto quilométrico 3.500, no termo municipal de Poio. Conducía un turismo marca Renault modelo Kangoo.