A Comandancia da Garda Civil de Pontevedra ten novo coronel xefe tras seis meses coa praza vacante. De momento, non tomou posesión, pero o nomeamento xa se produciu. O novo responsable será Simón Venzal Contreras, segundo puido saber PontevedraViva.

Desde que o pasado mes de xaneiro deixou o cargo o antigo responsable, o coronel Jorge González Veiga, o mando da Comandancia recae en funcións no tenente coronel Manuel Touceda, número dous da Garda Civil na provincia. 

Touceda seguirá de momento asumindo as funcións de xefe da Comandancia, ata que tome posesión Simón Venzal. En todo caso, prevese que a substitución se realice no prazo máis breve posible. 

O coronel Simón Venzal estaba ata agora destinado no Servizo de Costas e Fronteiras da Garda Civil de Madrid.