Lores pedirá a Feijóo ampliar a senda urbana do Gafos e 'liberar' a Xunqueira de Alba
Por Alejandro Espiño
Dúas novas peticións inclúe o alcalde de Pontevedra na axenda que desexa tratar na súa próxima reunión co presidente da Xunta.
Miguel Anxo Fernández Lores pedirá a Alberto Núñez Feijóo a colaboración do goberno galego para ampliar a senda urbana do río Gafos, recentemente declarado Espazo Natural de Interese Local (ENIL), ata o nó do Marco por detrás da estación de autobuses; e para recuperar o uso público dos terreos que a Xunta ocupa na Xunqueira de Alba.
A iso sumaranse compromisos xa coñecidos que o Concello desexa que reciban un impulso definitivo neste mandato como o Gran Montecelo, a variante de Alba ou a estación intermodal.
Ademais, o alcalde tratará con Núñez Feijóo proxectos como o pavillón da Parda, a dragaxe do río Lérez, a mellora da EDAR, o transporte público ou a construción dunha nova residencia de maiores.
O Concello remitirá un dossier á Xunta de Galicia cos temas para tratar que, segundo o rexedor pontevedrés, estará aberto a calquera outro asunto que redunde no interese dos veciños.
En principio, esta reunión celebrarase dentro da primeira quincena de xullo.
Relacionadas:
-
Reunión "agradable e cordial" entre Feijóo e Lores para analizar "minuto e resultado" dos compromisos da Xunta
Por Alejandro Espiño & Cristina Saiz |
-
O 'cara a cara' entre Miguel Anxo Fernández Lores e Alberto Núñez Feijóo, en Pontevedra
Por Redacción |
-
O Concello, sobre a variante de Alba: "É bo que se faga, pero non é a solución óptima"
Por Alejandro Espiño |
-
Lores e Feijóo entrevistaranse para falar de "cuestións fundamentais" para Pontevedra
Por Oskar Viéitez |
-
O edificio administrativo de Benito Corbal comeza a súa "segunda vida"
Por Oskar Viéitez & Mónica Patxot |